Аб прэзентацыі ў Арменіі кнігі «Сучасная літаратура Беларусі»

16 верасня 2025 г., напярэдадні Дня народнага адзінства, у Ерэване адбылася прэзентацыя кнігі «Сучасная літаратура Беларусі».

У прывітальным слове Саветнік Пасольства Рэспублікі Беларусь у Рэспубліцы Арменія выказаў словы глыбокай удзячнасці кіраўніцтву Усеармянскага саюза пісьменнікаў за праведзеную работу па папулярызацыі ў Рэспубліцы Арменія творчасці сучасных беларускіх пісьменнікаў і паэтаў.

Зрабіў акцэнт на тым, што прэзентацыя кнігі праходзіць у год 80-годдзя Перамогі савецкага народа ў Вялікай Айчыннай вайне, якая забрала жыцці кожнага трэцяга беларуса. Нагадаў прысутным, што ў вызваленні Беларусі ад нямецка-фашысцкіх захопнікаў бралі ўдзел дзясяткі тысяч армян. Падкрэсліў, што дзякуючы згуртаванасці і мужнасці брацкіх народаў удалося выдужаць і перамагчы.

Зачытаў верш сучаснага беларускага паэта Анатоля Аўруціна «Я з Крыніц.. Жыва пакуль», які раскрывае факты зверстваў фашыстаў, якія ледзяняць душу.

Падкрэсліў значнасць рэалізаванага Усеармянскім саюзам пісьменнікаў праекта для развіцця двухбаковага супрацоўніцтва, падзякаваў за высокі ўклад арганізацыі ў мінулую ХXXII Мінскую міжнародную кніжную выставу-кірмаш.

Выказаў упэўненасць, што дзякуючы такім мерапрыемствам супрацоўніцтва Беларусі і Арменіі працягне паспяхова развівацца ў гуманітарнай сферы.

Версiя для друку