Аб удзеле ў мерапрыемствах, прысвечаных 230-годдзю з дня нараджэння вялікага рускага пісьменніка Грыбаедава А.С.
07.11.2025 г.Па запрашэнні Старшыні Аб'яднання ветэранаў Рэспублікі Арменія Сымона Есаяна 7 лістапада 2025 года Часовы павераны ў справах Рэспублікі Беларусь у Рэспубліцы Арменія Інэса Кудрук прыняла ўдзел у памятных мерапрыемствах, прысвечаных 230-годдзю з дня нараджэння Грыбаедава Аляксандра Сяргеевіча – вялікага рускага пісьменніка і драматурга, таленавітага музыканта, бліскучага дыпламата.
Падчас правядзення тэматычнай выставы і круглага стала ўдзельнікамі было абмеркавана, як выдатны твор «Гора ад розуму» працягвае адгукацца на выклікі сучаснасці і захоўвае сваю вастрыню і жывую сілу праз два стагоддзі.
Па выніках адбылася сумесная цырымонія ўскладання кветак да помніка Аляксандра Грыбаедава, размешчанага на кальцавым бульвары Ерэвана.
У мерапрыемстве таксама прынялі ўдзел дырэктар музея-запаведніка Грыбаедава «Хмеліта» Кулакова Н.В., прадстаўнікі Пасольства Расіі, Маскоўскага дзяржаўнага інстытута культуры, гісторыкі, пісьменнікі і грамадскія дзеячы Арменіі.
