Аб удзеле ў цырымоніі ўзнагароджання пераможцаў Першага нацыянальнага конкурсу-фестывалю школьных спектакляў

24 кастрычніка 2025 года Часовы павераны ў справах Рэспублікі Беларусь у Рэспубліцы Арменія Інэса Кудрук і супрацоўнікі Пасольства па запрашэнні кіраўніка прадстаўніцтва Россупрацоўніцтва ў Арменіі Вадзіма Фефілава прынялі ўдзел у цырымоніі узнагароджання пераможцаў Першага нацыянальнага конкурсу-фестывалю школьных спектакляў імя Лявона Калантара «Са школьнай залы на прафесійную сцэну» ў Ерэванскім рускім тэатры імя К. Станіслаўскага.

У мерапрыемстве таксама прынялі ўдзел Надзвычайны і Паўнамоцны Пасол Расійскай Федэрацыі ў Рэспубліцы Арменія Сяргей Капыркін, дырэктар Дома Масквы ў Ерэване Айк Мелікян, дзеячы культуры і прадстаўнікі адукацыйных устаноў Арменіі.

Падчас фестывалю былі ўручаны дыпломы і памятныя медалі творчым школьным калектывам, а таксама педагогам — за цікавыя мастацкія і рэжысёрскія рашэнні.

Фестываль завяршыўся паказам музычнага спектакля «Сонца ў цемры», прысвечанага 80-годдзю Перамогі ў Вялікай Айчыннай вайне.

Падрыхтаваны выхаванцамі вучэбна-спартыўнага комплексу ЗАТ «Газпром Арменія» спектакль вельмі ўразіў гледачоў і быў удастоены спецыяльнай прэміі журы.

Версiя для друку