Аб сустрэчы з Генеральным пракурорам Рэспублікі Арменія

3 кастрычніка 2024 г. Надзвычайны і Паўнамоцны Пасол Рэспублікі Беларусь у Рэспубліцы Арменія Аляксандр Канюк сумесна з Генеральным пракурорам Рэспублікі Беларусь Андрэем Шведам правялі ў Ерэване рабочую сустрэчу з Генеральным пракурорам Рэспублікі Арменія Ганнай Вардапецян.

У рамках перамоў абмеркаваны бягучыя пытанні двухбаковага супрацоўніцтва паміж профільнымі ведамствамі дзвюх дзяржаў.

Закранута тэматыка расследавання генацыду беларускага народа ў перыяд Вялікай Айчыннай вайны, вывучэння вопыту Арменіі па адчувальнаму для Беларусі пытанні.

Беларускім бокам акцэнтавана асаблівая ўвага на высокай ролі армянскіх салдат і афіцэраў у вызваленні нашай краіны ад нямецка-фашысцкіх захопнікаў.

Анансавана хуткае выданне ў Мінску кнігі аб этнічных армянах у гісторыі вызвалення Беларусі ад «карычневай чумы».

Версiя для друку