Аб адкрыцці спаборніцтваў Кубка свету па кіокушынкай каратэ
25.04.2026 г.25 красавіка 2026 года дыпламаты Пасольства Беларусі ў Арменіі прынялі удзел у адкрыцці спаборніцтваў Кубка свету па кіокушынкай каратэ (World Cup of Kyokushin Karate for Clubs), якія прайшлі ў вучэбна-спартыўным комплексе «Газпрам Арменія» ў Ерэване.
З ганаровых гасцей таксама прысутнічалі заснавальнік і прэзідэнт Федэрацыі Кіокушын каратэ Арменіі Андранік Акапян, афіцыйны прадстаўнік IFK у Рэспубліцы Беларусь Дзмітрый Аляхновіч, а таксама прадстаўнікі дыпламатычнага корпуса, грамадскіх і спартыўных арганізацый Арменіі.
У спаборніцтвах бяруць удзел каля 500 спартсменаў з 30 краін.
Пасольства Беларусі ў Арменіі выказвае падтрымку беларускім спартсменам і жадае дасягнення высокіх вынікаў.
