Аб правядзенні мерапрыемстваў у Пасольстве з нагоды 81-й гадавіны Перамогі ў Вялікай Айчыннай вайне
09.05.2026 г.8 мая 2026 года Пасольства Рэспублікі Беларусь у Рэспубліцы Арменія ва ўзаемадзеянні з Беларускім саюзам жанчын з нагоды 81-й гадавіны Перамогі савецкага народа ў Вялікай Айчыннай вайне правяло ў загранустанове тэматычную фотавыставу «Беларусь памятае. Жаночая асоба Перамогі», на якой былі прадстаўленыя партрэты жанчын-франтавікоў з іх біяграфіяй і інфармацыяй аб баявых і працоўных подзвігах.
Часовы павераны ў справах Рэспублікі Беларусь у Рэспубліцы Арменія Інэса Кудрук у сваім прывітальным слове адзначыла, што фотавыстава праводзіцца ў тым ліку ў рамках аб'яўленага ў Беларусі 2026 года «Годам беларускай жанчыны». Падкрэсліла, што задача акцыі — паказаць ролю жанчыны ў гады вайны і ў перыяд аднаўлення краіны. Сваё выступленне Часовы павераны, звяртаючыся да ветэранаў, завяршыла словамі Прэзідэнта Рэспублікі Беларусь А.Р. Лукашэнку: «Мы вашу Перамогу нікому не аддамо. Мы заўсёды будзем верныя тым традыцыям, якія вы стварылі і выхавалі нас. Дзякуй вам за гэта».
З прывітальным словам таксама выступіў Надзвычайны і Паўнамоцны Пасол Расійскай Федэрацыі ў Рэспубліцы Арменія Капыркін Сяргей Паўлавіч, які падкрэсліў, што савецкія жанчыны, нароўні з мужчынамі, унеслі неацэнны ўклад у Перамогу над нацызмам, а іх бяспрыкладны подзвіг стаў сімвалам стойкасці, вернасці доўгу і бязмернай любові.
На мерапрыемстве таксама прысутнічалі ленінградскія блакадніцы Вялікай Айчыннай вайны Петухова Галіна Паўлаўна, Фёдарава Галіна Фёдараўна, ветэран Вялікай Айчыннай вайны, які прыняў удзел у вызваленні Беларусі, Хурэн Аруцюнян, прадстаўнікі дружалюбнага дыпламатычнага корпуса, ганаровых консул.
Таксама ў беларускай загранустанове прадстаўнікі Ерэванскай Беларускай абшчыны Арменіі «Беларусь» правялі круглы стол з нагоды 9 траўня. У ходзе мерапрыемства былі выкананы песні, прысвечаныя Дню Перамогі ў Вялікай Айчыннай вайне, беларускімі, расійскімі і армянскімі творчымі дзеячамі.
