Аб сустрэчы Пасла Беларусі з кіраўніцтвам Спартыўнага камітэта Узброеных Сіл Беларусі

21 лістапада 2024 г. Надзвычайны і Паўнамоцны Пасол Рэспублікі Беларусь у Рэспубліцы Арменія Аляксандр Канюк прыняў у Пасольстве дэлегацыю дзяржаўнай установы «Спартыўны камітэт Узброеных Сіл Рэспублікі Беларусь» на чале са старшынёй структуры Анатолем Ханеўскім.

У ходзе перагавораў, якія прайшлі напярэдадні выступлення беларускіх спартсменаў у 37-м Армейскім чэмпіянаце свету па барацьбе сярод ваеннаслужачых у Ерэване, абмеркаваны пытанні беларуска-армянскага супрацоўніцтва ў профільнай сферы, арганізацыі трэніровак і падрыхтоўкі беларускіх і армянскіх спартсменаў, правядзення сумесных мерапрыемстваў высокага ўзроўню.

Трэба адзначыць, што зборная Узброеных Сіл Беларусі ва ўказаным чэмпіянаце заваявала тры медалі. У вагавой катэгорыі да 92 кг Яраслаў Ядкоўскі ўзяў срэбра. Акрамя гэтага, бронзавыя медалі заваявалі Ганна Маслакова (да 72 кг) і Ілья Хамцоў (да 86 кг).

Версiя для друку