Аб удзеле супрацоўнікаў Пасольства ў напісанні «Капалаўскай дыктоўкі»
21.02.2024 г.21 лютага 2024 г. дыпламаты Пасольства Беларусі ў Арменіі сумесна з прадстаўнікамі Ерэванскай Беларускай абшчыны Арменіі праверылі свае веды роднай мовы ў напісанні штогадовай “Купалаўскай дыктоўкі”, арганізаванай Гродзенскім дзяржаўным універсітэтам імя Янкі Купалы.
У беларускай замежнай установе удзельнікі акцыі папрацавалі над тэмай «Захаванне праўды аб вайне», у якой востра падкрэслена пытанне генацыду беларускага народа ў гады Вялікай Айчыннай вайны.
«У лёсе кожнай беларускай сям’і – гісторыя Вялікай Айчыннай вайны…У Беларусі ўсё яшчэ знаходзяць астанкі забітых жанчын, якія прыціскаюць да грудзей немаўлят. Немаўлят, якіх пахавалі жывымі. Такіх сюжэтаў не злічыць. І лічбы выклікаюць жах…».
Вялікі дзякуй арганізатарам за выбраную актуальную для кожнага беларуса тэматыку і магчымасць у чарговы раз адчуць смак роднай мовы!