Аб удзеле ў 76-м пасяджэнні Савета кіраўнікоў статыстычных службаў дзяржаў-удзельніц Садружнасці Незалежных Дзяржаў
05.10.2026 г.Першы намеснік Старшыні Нацыянальнага статыстычнага камітэта Рэспублікі Беларусь Цімафей Жыгараў 1 кастрычніка 2026 года прыняў удзел у 76-м пасяджэнні Савета кіраўнікоў статыстычных службаў дзяржаў — удзельніц СНД, якое адбылося ў г.Ерэване (Рэспубліка Арменія).
Кіраўнікі нацыянальных статыстычных службаў абмеркавалі прыярытэтныя кірункі супрацоўніцтва ў сферы статыстыкі. Адным з ключавых пытанняў парадку дня стаў разгляд рэалізацыі Праекта «Развіццё статыстыкі СНД», нацэленага на садзейнічанне ўдасканаленню статыстыкі ў краінах СНД у частцы развіцця метадалогіі, тэхналогіі і інстытуцыйных рашэнняў.
Асаблівая ўвага бакоў удзелена ходу міжнародных супастаўленняў на аснове парытэту пакупніцкай здольнасці валют у рэгіёне СНД, работ па развіццю сістэмы нацыянальных рахункаў у рэгіёне СНД, а таксама пытанням распаўсюджвання ведаў па метадалогіі і тэхналогіі сучаснай статыстыкі для вытворцаў і карыстальнікаў статыстыкі.
Па выніках пасяджэння адбылося зацвярджэнне Праграмы работ Міждзяржаўнага статыстычнага камітэта Садружнасці Незалежных Дзяржаў на 2027 год, накіраванай на развіццё ўзаемадзеяння статыстычных службаў у галіне метадалагічнай і аналітычнай работы, інфармацыйна-выдавецкай дзейнасці, абмену вопытам і міжнароднага супрацоўніцтва.
